Kanz al-Ummal: Hadith 12852

12852 عبداللہ بن زبیر سے مروی ہے کہ قبیلہ خثعم کا ایک شخص رسول اللہ (صلی اللہ علیہ وآلہ وسلم) کی خدمت میں حاضر ہوا اور عرض کیا : یارسول اللہ ! میرے والد کو اسلام کا زمانہ مل گیا ہے اور وہ بوڑھے آدمی ہیں۔ سواری پر سوار ہونے کی طاقت نہیں رکھتے اور ان پر حج بھی فرض ہوچکا ہے کیا میں ان کی طرف سے حج کرسکتا ہوں ؟ حضور (صلی اللہ علیہ وآلہ وسلم) نے پوچھا : تو اپنے والد کی اولاد میں سب سے بڑا ہے ؟ اس نے اثبات میں جواب دیا کہ جی ہاں۔ پھر آپ نے پوچھا : اگر تیرے باپ پر دین (قرض) ہوتا اور تو اس کو ادا کرتا تو کیا وہ ادا ہوجاتا ؟ اس نے عرض کیا : جی ہاں۔ آپ (صلی اللہ علیہ وآلہ وسلم) نے فرمایا : تب تو ان کی طرف سے حج (بھی) کرسکتا ہے۔ ابن جریر
کلام : روایت محل کلام ہے : ضعیف النسائی 164