Kanz al-Ummal: Hadith 12921

12921 ابوامامہ (رض) سے مروی ہے کہ رسول اللہ (صلی اللہ علیہ وآلہ وسلم) حجۃ الوداع میں ہمارے درمیان اپنی نکٹی اونٹنی پر سوار ہو کر کھڑے ہوئے اور اپنے پاؤں رکاب میں ڈال لیے تاکہ اونچے ہوجائیں اور لوگوں کو اونچا سنائیں پھر پوچھا : کیا سن رہے ہو اور اپنی آواز آپ نے اونچی فرمالی۔ ایک آدمی نے لوگوں سے پوچھا : آپ ہم سے کس چیز کا عہد لیتے ہیں ؟ آپ (صلی اللہ علیہ وآلہ وسلم) نے ارشاد فرمایا : اپنے رب کی عبادت کرو، پنج وقتہ نمازیں پڑھو، مہینے کے روزے رکھو، اپنے اموال کی زکوۃ ادا کرو۔ اور اپنے حکام کی اطاعت کرو اپنے رب کی جنت میں داخل ہوجاؤ۔
راوی ابوامامہ (رض) سے کسی نے پوچھا آپ اس دن کتنی عمر میں تھے۔ فرمایا : میں اس وقت تیس سال کا تھا۔ (لوگوں کا اژدھام) اونٹ سے ہٹا رہا تھا حتیٰ کہ میں رسول اللہ (صلی اللہ علیہ وآلہ وسلم) کے قریب ہوگیا تھا ۔ ابن جریر، ابن عساکر