Kanz al-Ummal: Hadith 14166

14166 حضرت عائشہ (رض) سے مروی ہے کہ میرے والد اپنی تلوار سونتے ہوئے اپنی سواری پر تشریف فرما مرتدین کی طرف نکلے۔ حضرت علی بن ابی طالب (رض) نے آکر ان کی سواری کی عنان تھام لی اور فرمایا : اے خلیفہ رسول اللہ ! کہاں جارہے ہیں، میں آج آپ کو وہی بات دہراتا ہوں جو رسول اللہ (صلی اللہ علیہ وآلہ وسلم) نے جنگ احد میں آپ کو ارشاد فرمائی تھی کہ :
اپنی تلوار کو نیام میں کرلو اور اپنی جان کا غم ہمیں نہ دو ۔ اللہ کی قسم ! اگر ہم کو آپ کی طرف سے کوئی دکھ پہنچ گیا تو آپ کے بعد اسلام کا نظام نہیں ٹھہر سکے گا۔
یہ سن کر حضرت ابوبکر (رض) لوٹ گئے اور لشکر کو روانہ کردیا۔ زکریا الساجی