Kanz al-Ummal: Hadith 14409

14409 حضرت ابوسعید خدری (رض) سے مروی ہے کہ رسول اکرم (صلی اللہ علیہ وآلہ وسلم) نے علقمہ بن محرز کو ایک لشکر پر امیر مقرر کیا۔ میں بھی اس لشکر میں شامل تھا۔ چنانچہ لشکر جب جنگ کے مقام پر پہنچا یا ابھی راستہ میں تھا کہ لشکر میں سے ایک جماعت نے آگے بڑھنے کی اجازت طلب کی۔ امیر نے ان کو اجازت دیدی اور اس چھوٹے لشکر پر عبداللہ بن حذافہ بن قیس سہمی کو امیر بنادیا۔ حضرت ابو سعید خدری (رض) فرماتے ہیں : میں بھی ان کے ساتھ ہولیا۔ ہم نے راستے میں ایک مقام پر پڑاؤ ڈالا۔ لوگوں نے ہاتھ تاپنے کے لیے یا کھانا وغیرہ بنانے کے لے ایک الاؤ بھڑکایا۔ عبداللہ امیر لشکر جو کچھ ہنسی مذاق کا مزاج رکھنے والے تھے نے فرمایا : کیا تم پر میری سعی وطاعت فرض نہیں ہے ؟ لوگوں نے کہا : کیوں نہیں۔ عبداللہ بولے : تو اگر میں تم کو کسی چیز کا حکم دوں تو تم اطاعت کرو گے ؟ لوگوں نے کہا : ضرور۔ عبداللہ بولے : تب میں تم کو سختی سے تاکید کرتا ہوں کہ اس آگ میں کود جاؤ۔
حضرت ابوسعید (رض) فرماتے ہیں : پھر جب ہم واپس ہوئے تو ہم نے اس واقعہ کو رسول اللہ (صلی اللہ علیہ وآلہ وسلم) کے روبروذکر کیا۔ آپ (صلی اللہ علیہ وآلہ وسلم) نے ارشاد فرمایا : تم میں سے جو بھی نافرمانی کا حکم کرے اس کی اطاعت نہ کرو۔ مصنف ابن ابی شیبہ