Kanz al-Ummal: Hadith 1465

١٤٦٥۔۔ مقدار (رض) سے مروی ہے کہ میں نے عرض کیا یارسول اللہ آپ کا کیا خیال ہے کہ اگر میرا کسی مشرک کا ٹکراؤ ہوجائے اور دونوں جانبین سے تلوار چل پڑیں، اور وہ میرا ہاتھ کاٹ ڈالے پھر جب میں اس کی طرف حملہ کی غرض سے بڑھوں تو وہ لاالہ الا اللہ کہہ لے تو میں اس کو قتل کردوں یا یونہی چھوڑ دوں۔ فرمایا چھوڑے دے۔ میں نے عرض کیا اگرچہ اس نے میرا ہاتھ کاٹ ڈالاہو، آپ نے فرمایا ہاں خواہ اس نے ایسا کردیاہو۔ دویاتین بار میرا اور آپ کا یہی مکالمہ ہوا۔ پھر آپ نے فرمایا اگر تم اس کو قتل کرتے ہو جب کہ وہ اس سے قبل لاالہ الاللہ کہہ چکا ہے تم اس کے مثل سزاوار قتل ہوجاتے ہو اس کے لاالہ الا اللہ کہنے سے قبل اور وہ تمہارے مثل معصوم الدم ہوجائے گا تمہارے اس کو قتل کرنے سے قبل۔ الشافعی ، المصنف لعبدالرزاق، ابن ابی شیبہ، مسنداحمد، السنن لابی داود، النسائی۔
شرح۔۔۔ فرمایا اگر تم اس کو قتل کرتے ہو جب کہ وہ اس قتل سے قبل لالہ الا اللہ کہہ چکا ہے لہٰذا وہ مسلمان ہے اور مسلمان کو قتل کرنا موجب قصاص ہے لہٰذا اب اس کو قتل کرنے سے قصاص لازم آئے گا، اور وہ تمہارے مثل معصوم الدم ہوجائے گا تمہارے اس کو قتل کرنے سے قبل۔ کیونکہ جب تک تم نے اس کو قتل نہیں کیا تم پر قصاص نہیں بلکہ تمہارا خون کرنا حرام ہے تواب وہ مسلمان ہونے کے ناطہ سے معصوم الدم ہے۔