Kanz al-Ummal: Hadith 1477

١٤٧٧۔۔ عبدالملک بن عمیر فرماتے ہیں کہ میں حضرت علی کے پاس حاضر ہوا قبیلہ بنی عجل کے ایک شخص مستورد بن قبیصلہ کو آپ (رض) کی خدمت میں پیش کیا گیا اس نے اسلام قبول کرنے کے بعد نصرانیت اختیار کرلی تھی ، حضرت علی نے اس سے فرمایا تمہارے متعلق مجھے کیا خبر ملی ہے ؟ اس نے کہا میری طرف سے آپ کو کوئی اطلاع نہیں ملی، آپ نے فرمایا مجھے خبر ملی ہے کہ تم نے نصرانیت اختیار کرلی ہے اس نے کہا میں دین مسیح پر قائم ہوگیا ہوں، آپ نے فرمایا دین مسیح پر تو میں بھی قائم ہوں تیرا اس کے متعلق کیا خیال ہے اس نے حضرت علی سے کوئی مخفی بات کہی ، جس پر حضرت علی نے لوگوں کو حکم دیا کہ اس کو ماریں اور روندیں، تو اس کو اتنامارا گیا کہ وہ جان گنوا بیٹھا۔ میں نے اپنے برابر بیٹھے ہوئے ایک شخص سے دریافت کیا کہ اس نے آہستہ سے کیا کہا تھا اس نے جواب دیا کہ اس نے کہا تھا کہ میرا تومسیح ہی پروردگار ہے۔ الدارقطنی بخاری و مسلم۔