Kanz al-Ummal: Hadith 17257

17257 اے گروہ انصار ! (اپنے سفید بالوں کو) سرخ کرو، زرد کرو اور اہل کتاب کی مخالفت کرو۔ صحابہ کہتے ہیں ہم نے عرض کیا : یارسول اللہ ! اہل کتاب شلواریں پہنتے ہیں بجائے تہبند باندھنے کے ؟ رسول اللہ (صلی اللہ علیہ وآلہ وسلم) نے ارشاد فرمایا : تم شلواریں بھی پہنو اور تہبند بھی باندھو اور یوں ان کی مخالفت کرو۔ ہم نے عرض کیا : یارسول اللہ اہل کتاب موزے پہنتے ہیں جوتے نہیں پہنتے ؟ آپ (صلی اللہ علیہ وآلہ وسلم) نے ارشاد فرمایا : تم موزے بھی پہنو اور جوتے بھی پہنو اور یوں اہل کتاب کی مخالفت کرو۔ ہم نے عرض کیا : یارسول اللہ ! اہل کتاب ڈاڑھیاں کاٹتے ہیں اور مونچھیں لمبی رکھتے ہیں ؟ ارشاد فرمایا : تم مونچھیں کاٹو اور ڈاڑھیوں کو بڑھاؤ اور اہل کتاب کی مخالفت کرو۔
الکبیر للطبرانی، السنن لسعید بن منصور ، مسند احمد ، حلیۃ الاولیاء عن ابی امامۃ (رض)