Kanz al-Ummal: Hadith 18580

18571 ۔۔۔ سیدنا حضرت عمر ابن خطاب (رض) سے حضور اکرم (صلی اللہ علیہ وآلہ وسلم) کی صفت پوچھی گئی تو آپ (رض) نے ارشاد فرمایا : حضور اکرم (صلی اللہ علیہ وآلہ وسلم) سرخی مائل سفید رنگت والے تھے ۔ آنکھیں بڑی اور سیاہ تھیں ، ریش مبارک گھنی اور گنجان تھی ، کانوں تک بال تھے ۔ سینے پر ناف تک بالوں کا باریک خط تھا ، آپ کی گردن گویا چاندی کی صراحی تھی ، سینے پر ناف تک بالوں کی باریک لکیر کے سوا جسم پر زائد بال نہ تھے ۔ انگلیاں ، پاؤں اور ہتھیلیاں گوشت سے بھرے ہوئے تھے ۔ جب کی طرف متوجہ ہوتے تو مکمل وجود کے ساتھ متوج ہوجاتے تھے ۔ جب چلتے تھے تو ایسا محسوس ہوتا تھا گویا چٹان پر سے قدم اٹھا رہے ہیں اور نشیب میں اتر رہے ہیں۔ جب کسی قوم کے پاس آتے تو فضیلت و شرافت کے ساتھ سب سے وجیہہ اور قد آور معلوم ہوتے تھے ۔ آپ کا پسینہ مشکل سے زیادہ خوشبودار ہوتا تھا ، میرے ماں باپ کی قسم میں نے آپ جیسا کوئی نہیں دیکھا ، پہلے اور نہ بعد میں ۔ (رواہ ابن عساکر)