Kanz al-Ummal: Hadith 18628

18628 ۔۔۔ حضرت ابوہریرہ (رض) سے مروی ہے کہ میں حضور اکرم (صلی اللہ علیہ وآلہ وسلم) کے پاس حاضر ہوا ۔ آپ بیٹھ کر نماز ادا فرما رہے تھے ۔ میں نے پوچھا : یا رسول اللہ ! میں آپ کو بیٹھ کر نماز پڑھتا دیکھ رہا ہوں ، آپ کو کیا تکلیف پیش آئی ہے ؟ فرمایا : ابوہریرہ ! یہ بھوک ہے۔ میں رو پڑا ، آپ (صلی اللہ علیہ وآلہ وسلم) نے فرمایا ابوہریرہ ! رو مت بیشک حساب کتاب کی سختی قیامت کے روز بھوکے کو نہیں ہوگی جب وہ دنیا میں اس کے عوض ثواب کی امید (میں صبر) کرے ۔ (حلیۃ الاولیاء الخطیب فی التاریخ ، ابن عساکر)