Kanz al-Ummal: Hadith 18739

18739 ۔۔۔ سیدنا حضرت علی المرتضی (رض) سے مروی ہے کہ جب ہم حضور اکرم (صلی اللہ علیہ وآلہ وسلم) کی تکفین وغیرہ کی تیاری میں مصروف ہوئے تو ہم نے تمام لوگوں پر دروازہ بند کردیا۔ تب انصار نے آواز دی ہم آپ (صلی اللہ علیہ وآلہ وسلم) کے ننہیال والے ہیں اور ہمارا اسلام میں بھی اچھا مرتبہ ہے۔ (لہذا ہم کو اندر آنے کی اجازت دی جائے) قریش کہنے لگے : ہم آپ کے قبیلے والے ہیں۔ (ہمیں اندر آنے دیا جائے) تب سیدنا حضرت ابوبکر صدیق (رض) بولے ہم تم سب کو اللہ کا واسطہ دیتے ہیں۔ اگر تم اندر آگئے تو حضور اکرم (صلی اللہ علیہ وآلہ وسلم) کی تکفین تدفین میں بہت تاخیر ہوجائے گی ۔ اس لیے اللہ کی قسم ! صرف وہی شخص داخل ہو جس کو بلایا جائے ۔ (ابن سعد)