Kanz al-Ummal: Hadith 18819

18819 ۔۔۔ حضرت انس بن مالک (رض) سے مروی ہے جب حضور اکرم (صلی اللہ علیہ وآلہ وسلم) مریض ہوئے اور کافی بوجھل ہوگئے تو حضرت فاطمہ (رض) نے آپ (صلی اللہ علیہ وآلہ وسلم) کو اپنے سینے سے لگایا اور فرمایا : ہائے باپ کے غم کا غم ! ہائے بابا جان اپنے رب کے کس قدر قریب ہوئے ہیں ، ہائے بابا جان جبرائیل (علیہ السلام) سے ملنے والے ہیں ! ہائے بابا جان جنات الفردوس میں ٹھکانا بنانے والے ہیں ! ہائے بابا جان کو ان کے رب نے بلایا اور انھوں نے رب کی پکار پر لبیک کہا ۔ پھر حضرت فاطمہ (رض) نے حضرت انس بن مالک (رض) کو فرمایا : اے انس ! تمہارے دل کیسے گوارا کریں گے کہ تم اپنے نبی (صلی اللہ علیہ وآلہ وسلم) پر مٹی ڈالو گے ۔ (مسند ابی یعلی ، ابن عساکر)