Kanz al-Ummal: Hadith 18834

18834 ۔۔۔ حضرت عائشۃ صدیقہ (رض) سے مروی ہے جس رات حضور اکرم (صلی اللہ علیہ وآلہ وسلم) فوت ہوئے ایسی کوئی رات مجھ پر کبھی نہیں گذری ۔ حضور اکرم (صلی اللہ علیہ وآلہ وسلم) (بار بار) پوچھ رہے تھے ۔ اے عائشہ ! کیا فجر طلوع ہوگئی ہے ، میں کہتی رہی نہیں یا رسول اللہ حتی کہ بلال نے صبح کی اذان دی اور پھر آئے اور عرض کیا : (السلام علیک یا رسول اللہ و رحمۃ اللہ وبرکاتہ) نماز کا وقت ہوگیا ہے اللہ آپ پر رحم کرے ۔ پھر نبی کریم (صلی اللہ علیہ وآلہ وسلم) نے پوچھا یہ کون ہے ؟ میں نے کہا بلال ہے۔ آپ (صلی اللہ علیہ وآلہ وسلم) نے فرمایا : اپنے والد (ابوبکر (رض)) کو کہو کہ لوگوں کو نماز پڑھا دیں ۔ (ابوالشیخ فی الاذان)