Kanz al-Ummal: Hadith 18839

18839 ۔۔۔ ابراہیم بن علی رافعی اپنے والد سے وہ اپنی دادی زینب بنت ابی رافع سے روایت کرتے ہیں : زینب فرماتی ہیں میں نے فاطمہ بنت رسول اللہ (صلی اللہ علیہ وآلہ وسلم) کو دیکھا آپ (رض) اپنے دونوں فرزندوں حسن و حسین (رض) کے ساتھ نبی کریم (صلی اللہ علیہ وآلہ وسلم) کے پاس آپ کے مرض الموت میں تشریف لائیں ۔ حضرت فاطمہ (رض) نے عرض کیا : یا رسول اللہ (صلی اللہ علیہ وآلہ وسلم) یہ آپ کے دو بیٹے ہیں ، آپ ان کو اپنا وارث مقرر کر دیجئے ۔ حضور اکرم (صلی اللہ علیہ وآلہ وسلم) نے ارشاد فرمایا : حسن کے لیے تو میری ہیبت اور سرداری ہے اور حسین کے لیے میری جرات اور بہادری اور سخاوت ہے۔ (ابن مندۃ ، ابن عساکر) کلام : ۔۔۔ امام بخاری (رح) فرماتے ہیں ابراہیم میں کلام ہے۔