Kanz al-Ummal: Hadith 19237

19237 ۔۔۔ جب تم میں سے کوئی شخص نماز پڑھے تو اس کے سترے کے لیے کجاوے کی آخری لکڑی جیسی کوئی بھی چیز کافی ہے ، کیونکہ اگر ایسی کوئی چیز سامنے نہ ہوئی تو اس کی نماز کو گدھا ، عورت اور کالا کتا فاسد کر دے گا ، راوی کہتے ہیں : میں نے ابو ذر (رض) سے دریافت کیا کہ کالے کتے کی سفید اور سرخ کتے کے مقابلے میں خصوصیت کیوں کی گئی ؟ حضرت ابوذر (رض) نے ارشاد فرمایا : اے بھتیجے ! تو نے بھی مجھ سے ایسے ہی سوال کر ڈالا جس طرح میں نے رسول اللہ (صلی اللہ علیہ وآلہ وسلم) سے کیا تھا ، تو آپ (صلی اللہ علیہ وآلہ وسلم) نے ارشاد فرمایا تھا : کالا کتا شیطان ہے۔ (مصنف ابن ابی شیبۃ ، مسلم ، نسائی عن ابی ذر (رض))