Kanz al-Ummal: Hadith 2126

2126 ۔۔ اے ابو ذر ! انس و جن کے شیاطین سے خدا کی پناہ مانگو۔ عرض کیا یا رسول اللہ ! کیا انسانوں میں بھی شیاطین ہوتے ہیں ؟ فرمایا ہاں۔ عرض کیا یا رسول اللہ ! نماز کیا ہے ؟ فرمایا بہترین عمل مقرر کیا گیا ہے۔ کوئی کم کرے یا زیادہ۔ عرض کیا یا رسول الہ ! روزہ ؟ فرمایا کفایت شعاری کا سبق انگیز فرض ہے۔ عرض کیا یا رسول اللہ ! صدقہ ؟ فرمایا وہ عمل ہے جس میں اضافہ در اضافہ ہوتا ہے۔ اور اللہ کے ہاں کوئی کمی نہیں۔ عرض کیا یا رسول اللہ ! پھر کون سا صدقہ افضل ہے ؟ فرمایا تھوڑے میں سے تھوڑا خرچ کرنا۔ اور فقیر کو راز داری کے ساتھ دینا۔ عرض کیا کون سے نبی اول اول تھے ؟ فرمایا آدم۔ عرض کیا سب سے اول نبی حضرت آدم (علیہ السلام) تھے ؟ فرمایا جی ہاں اور ان پر کلام یعنی صحیفہ بھی پیش کیا گیا تھا۔ عرض کیا رسول کتنے گذرے ہیں ؟ فرمایا تین سو دس سے کچھ زائد۔ عرض کیا یا رسول اللہ ! آپ پر جو نازل کیا گیا، اس میں عظیم ترین شے کونسی ہے ؟ فرمایا آیۃ الکرسی۔ (ابو داؤد الطیالسی مسند احمد، النسائی المسند لابی یعلی المستدرک للحاکم، شعب الایمان، السنن لسعید بروایت ابی ذر (رض) مسند احمد، الکبیر للطبرانی (رح) بروایت ابی امامۃ (رض) ۔