Kanz al-Ummal: Hadith 21576

21577 ۔۔۔ شمس وقمر خدا کی نشانیوں میں سے دو نشانیاں ہیں جو کسی کی موت یا زندگی کی وجہ سے گرہن نہیں ہوتیں ، جب تم ان کو گرہن دکھو تو نماز پڑھو ، جب تک کہ اللہ پاک اس صورت کو کھول دے ۔ رسول اللہ (صلی اللہ علیہ وآلہ وسلم) نے ارشاد فرمایا : میں نے اپنی اس جگہ کھڑے کھڑے ہر وہ چیز دیکھ لی جس کا تم سے وعدہ ہوتا رہا ہے اور جب تم نے مجھے آگے بڑھتے دیکھا تو میں جنت سے پھلوں کا ایک خوشہ لینے کا ارادہ کررہا تھا ، اور جب تم نے مجھے پیچھے ہٹتا دیکھا تو میں نے جہنم کو دیکھا تھا وہ ایک دوسرے میں گھس رہی تھی اور میں نے جہنم میں عمرو بن لحی کو بھی دیکھا جس نے سوائب کی رسم ڈالی ۔ (سوائب سائبہ کی جمع ہے وہ اونٹ جو بت کے نام پر آزاد چھوڑ دیا جائے) ۔ (البخاری ، مسلم حضرت عائشۃ صدیقہ (رض)) فائدہ : ۔۔۔ ایک مرتبہ حضور اکرم (صلی اللہ علیہ وآلہ وسلم) کسوف شمس (سورج گرہن) ہونے پر نماز پڑھا رہے تھے نماز کے دوران آپ کو جنت ، جہنم دکھائی گئی ، نماز کے بعد آپ (صلی اللہ علیہ وآلہ وسلم) نے مذکورہ ارشاد فرمایا :