Kanz al-Ummal: Hadith 21801

21803 ۔۔۔ سعید بن جبیر (رض) کی روایت ہے کہ حضرت عبداللہ ابن عباس (رض) نے فرمایا کہ نبی کریم (صلی اللہ علیہ وآلہ وسلم) نے عصر کے بعد جو نماز پڑھی تھی وہ اس لیے کہ آپ (صلی اللہ علیہ وآلہ وسلم) مال تقسیم کرنے میں مشغول ہوگئے تھے اور ظہر کے بعد کی دو رکعتیں آپ سے چھوٹ گئی تھیں تب آپ (صلی اللہ علیہ وآلہ وسلم) نے عصر کے بعد وہ دو رکعتیں پڑھی تھیں پھر بعد میں آپ (صلی اللہ علیہ وآلہ وسلم) نے ایسا نہیں کیا ۔ حضرت عبداللہ ابن عباس (رض) تو قسم اٹھا کر کہتے تھے کہ آپ (صلی اللہ علیہ وآلہ وسلم) نے نہ عصر سے پہلے نماز پڑھی ہے اور نہ اس کے بعد۔ (رواہ ابن جریر) کلام : ۔۔۔ حدیث کا ابتدائی حصہ تو ثابت ہے لیکن دوسرا حصہ ضعف سے خالی نہیں دیکھئے ۔ ضعیف الترمذی صفحہ 27 ۔