Kanz al-Ummal: Hadith 22289

22289 ۔۔۔ حضرت ابوہریرہ (رض) کی روایت ہے کہ ایک دن حضور اکرم (صلی اللہ علیہ وآلہ وسلم) مسجد میں تشریف لائے اور فرمایا : دوسی نوجوان کہاں ہے ؟ عرض کیا گیا : یا رسول اللہ (صلی اللہ علیہ وآلہ وسلم) وہ ہے مسجد کی آخر میں اور بخار میں مبتلا ہے پس حضور اکرم (صلی اللہ علیہ وآلہ وسلم) میرے پاس تشریف لائے میرے سر پر ہاتھ پھیرا اور مجھ سے اچھی اچھی باتیں کیں اور پھر لوگوں کی طرف متوجہ ہو کر فرمایا : اگر میں نماز میں بھول جاؤں تو مردوں کو تسبیح کرنی چاہیے اور عورتوں کو تصفیق (تالی بجانا) آپ (صلی اللہ علیہ وآلہ وسلم) نے نماز پڑھائی اور بھولے نہیں اور آپ (صلی اللہ علیہ وآلہ وسلم) کے ساتھ اڑھائی صفیں مردوں کی اور دو صفیں عورتوں کی تھیں یا مردوں کی دو صفیں اور عورتوں کی کی اڑھائی صفیں تھیں ۔ (رواہ عبدالرزاق)