Kanz al-Ummal: Hadith 22387

22387 ۔۔۔ حضرت وائل بن حجر (رض) کی روایت ہے کہ میں نے حضور اکرم (صلی اللہ علیہ وآلہ وسلم) کے پیچھے نماز پڑھی تاکہ میں آپ (صلی اللہ علیہ وآلہ وسلم) کی نماز کو دیکھ کر یاد رکھ سکوں ۔ چنانچہ آپ (صلی اللہ علیہ وآلہ وسلم) نے نماز شروع کی تو تکبیر کے بعد ہاتھ اٹھائے حتی کہ ہاتھوں کو کانوں کے برابر تک لے گئے پھر دائیں ہاتھ سے بائیں ہاتھ کو پکڑ لیا اور جب رکوع کیا تو شروع نماز کی طرح پھر رفع یدین کیا اور رکوع میں ہاتھوں سے گھٹنوں کو پکڑ لیا جب رکوع سے سر اٹھایا تو ایک بار پھر رفع یدین کیا جب تشہد کے لیے بیٹھے توبائیں پاؤں کو زمین پر پھیلایا اور اس پر بیٹھ گئے اور بائیں ہتھیلی کو بائیں ران پر رکھا اور دائیں کہنی کو دائین ران پر رکھا اور پھر انگلیوں کو بند کرکے انگوٹھے اور درمیان کی بڑی انگلی سے حلقہ بنا لیا پھر دوسرے ہاتھ سے دعا مانگنے لگے ۔