Kanz al-Ummal: Hadith 22388

22388 ۔۔۔ حضرت وائل بن حجر (رض) فرماتے ہیں کہ میں نے حضور اکرم (صلی اللہ علیہ وآلہ وسلم) کو نماز پڑھتے دیکھا چنانچہ آپ (صلی اللہ علیہ وآلہ وسلم) نے نماز شروع کی اور ہاتھوں کو کاندھوں کے برابر تک اٹھایا رکوع سے پہلے اور رکوع کے بعد بھی رفع یدین کیا جب آپ (صلی اللہ علیہ وآلہ وسلم) بیٹھے تو بایاں پاؤں پھیلا کر اس پر بیٹھے اور دائیں پاؤں کو کھڑا کرلیا ، پھر دائیں ہاتھ کو دائیں ران پر اور بائیں ہاتھ کو بائیں ران پر رکھ لیا اور دو انگلیوں کو ہتھیلی میں پکڑا اور تیسری انگلی سے حلقہ بنا لیا حضرت وائل بن حجر (رض) صحابہ کرام رضوان اللہ تعالیٰ عنہم اجمعین کے پاس تشریف لائے تھے انھوں نی صحابہ کرام رضوان اللہ تعالیٰ عنہم اجمعین کو دیکھا کہ وہ چادروں سے ہاتھ نکال کر رفع یدین کرتے تھے۔ (ضیاء المقدسی)