Kanz al-Ummal: Hadith 22511

22511 ۔۔۔ سیدنا حضرت علی المرتضی (رض) کی روایت ہے کہ حضور اکرم (صلی اللہ علیہ وآلہ وسلم) نے مرض وفات میں مجھے حکم دیا کہ لوگوں کو اندر آنے کی اجازت دو چنانچہ جب لوگ آپ (صلی اللہ علیہ وآلہ وسلم) کی خدمت میں حاضر ہوئے تو آپ (صلی اللہ علیہ وآلہ وسلم) نے فرمایا : اللہ تعالیٰ اس قوم پر لعنت کرے جس نے اپنے انبیاء کی قبروں کو مسجدیں بنا لیا پھر آپ (صلی اللہ علیہ وآلہ وسلم) پر بیہوشی طاری ہوگئی جب افاقہ ہو تو حکم دیا کہ اے علی ! لوگوں کو اندر لاؤمیں لوگوں کو اندر لایا تو آپ (صلی اللہ علیہ وآلہ وسلم) نے فرمایا : اللہ تعالیٰ اس قوم پر لعنت کرے جس نے اپنے انبیاء کی قبروں کو مسجدیں بنا لیا ، مرض وفات میں آپ (صلی اللہ علیہ وآلہ وسلم) نے تین بار یہی ارشاد فرمایا ۔ (البزار) فائدہ : ۔۔۔ یعنی آپ (صلی اللہ علیہ وآلہ وسلم) کو خدشہ تھا کہ میرے بعد میری امت کہیں میری قبر کو سجدہ گاہ نہ بنائے تب ہی آپ (صلی اللہ علیہ وآلہ وسلم) نے مرض وفات میں اس خدشہ کو شدت سے ظاہر کیا۔