Kanz al-Ummal: Hadith 22746

22746 ۔۔۔ سماک حنفی (رح) کی روایت ہے کہ میں نے حضرت عبداللہ ابن عمرو (رض) سے صلوۃ سفر کے متعلق دریافت کیا : آپ (رض) نے فرمایا سفر میں دو رکعت نماز پڑھی جائے گی جو کہ پوری نماز ہے قصر نہیں بلاشبہ قصر تو صلوۃ خوف میں ہوتی ہے میں نے عرض کیا : صلوۃ خوف کیا ہے ؟ آپ (رض) نے فرمایا وہ یہ کہ امام مقتدیوں کی دو جماعتیں بنا لے ایک جماعت خوف کے سامنے سینہ سپر رہے اور دوسری جماعت کو امام ایک رکعت پڑھائے پھر یہ جماعت مقام خوف پر چلی جائے اور وہاں کی جماعت آئے اور امام کے پیچھے ایک رکعت پڑھ لے یوں اس طرح امام کی دو رکعتیں ہوجائیں گی اور ہر جماعت کی ایک ایک رکعت ہوجائے گی ۔ (رواہ ابن جریر)