Kanz al-Ummal: Hadith 22951

22951 ۔۔۔ حضرت عمران بن حصین (رض) کی روایت ہے کہ ایک مرتبہ حضور اکرم (صلی اللہ علیہ وآلہ وسلم) نے اپنے صحابہ کرام رضوان اللہ تعالیٰ عنہم اجمعین کو ظہر کی نماز پڑھائی جب سلام پھیرا تو فرمایا : کیا تم میں سے کسی نے ” سبح اسم ربک الاعلی “۔ پڑھی ہے ؟ قوم میں سے ایک آدمی نے کہا : میں نے پڑھی ہے آپ (صلی اللہ علیہ وآلہ وسلم) نے فرمایا : تبھی میں سمجھ گیا تھا کہ تم میں سے کوئی اس سورت میں میرے ساتھ خلل ڈال رہا ہے ایک روایت میں ہے : میں نے کہا : مجھ سے منازعت کیوں کی جا رہی ہے۔ (رواہ عبدالرزاق ، و ابن ابی شیبۃ، والطبرانی ، وابن عدی فی الکامل والدارقطنی والبیہقی فی القراۃ) جب کہ ابن عدی ، دارقطنی اور بیہقی (رح) نے یہ اضافہ بھی نقل کیا ہے : آپ (صلی اللہ علیہ وآلہ وسلم) نے امام کے پیچھے قرات کرنے سے منع فرمایا : نیز ان حضرات نے اس اضافہ کو ضعیف قرار دیا ہے۔