Kanz al-Ummal: Hadith 22952

22952 ۔۔۔ قاضی ابو عمر محمد بن حسین بن محمد بن ھثیم ابو حسن عبدالواحد بن حسن (جدیساپور میں) حسن بن بیان عسکری عبداللہ بن حماد سلیمان بن سلمہ محمد بن اسحاق اندلسی مالک بن انس یحییٰ بن سعید انصاری ، سعید بن مسیب (رح) کے سلسلہ سند سے مروی ہے کہ نواس بن سمعان (رض) کہتے ہیں : ایک مرتبہ میں نے حضور اکرم (صلی اللہ علیہ وآلہ وسلم) کے ساتھ ظہر کی نماز پڑھی چنانچہ میری دائیں طرف انصار کا ایک آدمی تھا اس نے حضور اکرم (صلی اللہ علیہ وآلہ وسلم) کے پیچھے قرات شروع کردی جب کہ میری بائیں طرف قبیلہ مزینہ کا ایک آدمی تھا وہ کنکریوں کے ساتھ کھیل رہا تھا ، جب آپ (صلی اللہ علیہ وآلہ وسلم) نے نماز مکمل کی تو فرمایا : میرے پیچھے کس نے قرات کی ہے ؟ انصاری بولا : یا رسول اللہ (صلی اللہ علیہ وآلہ وسلم) ! میں نے آپ (صلی اللہ علیہ وآلہ وسلم) نے فرمایا : ایسا مت کرو اور جو آدمی کنکریوں کے ساتھ کھیل رہا تھا اس سے کہا : یہ تیرا حصہ ہے۔ (رواہ البیہقی) کلام : ۔۔۔ بیہقی (رح) کہتے ہیں اس حدیث کی مذکورہ سند باطل ہے چونکہ اس میں غیر معروف راوی بھی ہیں چنانچہ محمد بن اسحاق اگر عکاشی ہے تو وہ جھوٹا کذاب ہے اور وہ اپنی طرف سے حدیث گھڑ کر امام اوزاعی اور دیگر ائمہ حدیث کی طرف منسوب کردیتا تھا ۔