Kanz al-Ummal: Hadith 23285

23285 ۔۔۔ حضرت صفوان بن عسال (رض) سے روایت کرتے ہیں کہ ایک مرتبہ ہم نبی کریم (صلی اللہ علیہ وآلہ وسلم) کے ساتھ جا رہے تھے اچانک ہم نے آواز سنی کہ ” اللہ اکبر اللہ اکبر “ نبی کریم (صلی اللہ علیہ وآلہ وسلم) نے فرمایا : یہ اعلان فطرت کے عین مطابق ہے پھر کہا : ” اشھد ان لا الہ الا اللہ “۔ فرمایا : یہ آدمی شرک سے بری الذمہ ہوگیا : کہا : ” اشھد ان محمدا رسول اللہ “۔ فرمایا : اس کو جہنم کی آگ سے خلاصی مل گئی، کہا ، حی علی الصلوۃ فرمایا یہ (مؤذن) یا تو بکریوں کا چرواہا ہے یا سفر سے لوٹ کر اپنے گھر والوں کے پاس آرہا ہے چنانچہ فورا صحابہ کرام رضوان اللہ تعالیٰ عنہم اجمعین اس آدمی کی تلاش میں نکلے پتہ چلا کہ وہ سفر سے واپس اپنے گھر والوں کے پاس آنا چاہتا ہے۔ (رواہ ابوالشیخ)