Kanz al-Ummal: Hadith 23621

23621 ۔۔۔ اللہ تبارک وتعالیٰ کے یہاں اعمال کی سات قسمیں ہیں : دو اعمال (2) موجب ہیں دو اعمال ان کی بمثل ہیں ، ایک عمل وہ ہے جس کا ثواب دس گنا ہوتا ہے اور ایک عمل وہ ہے جو سات سو گنا تک بڑھ جاتا ہے اور ایک عمل (ساتواں عمل) وہ ہے جس کا اجر وثواب اللہ تبارک وتعالیٰ کے سوا کوئی نہیں جانتا ۔ وہ دو اعمال جو موجب (واجب کرنے والے) ہیں وہ یہ کہ جس آدمی نے اللہ تبارک وتعالیٰ سے ملاقات کی درآنحالیکہ وہ اخلاص کے ساتھ اللہ تبارک وتعالیٰ کی عبادت کرتا رہا اور اللہ تبارک وتعالیٰ کے ساتھ کسی کو شریک نہیں ٹھہرایا اس کے لیے جنت واجب ہوجائے گی اور جس نے اللہ تعالیٰ سے ملاقات کی درآنحالیکہ اس نے اللہ تبارک وتعالیٰ کے ساتھ کسی کو شریک ٹھہرایا اس کے لیے دو دوزخ واجب ہوجائے گی اور جس نے برائی کی اس کا بدلہ اسی کے بمثل ہوگا اور جس نے نیکی کی اس کا بدلہ بھی اسی کے بمثل ہوگا جس نے نیکی کی اسے دس گنا ثواب ملے گا جو آدمی اللہ تبارک وتعالیٰ کی راہ میں اپنا مال خرچ کرتا ہے اس کے ایک درہم کو ساتھ سو درہم تک بڑھا دیا جاتا ہے اور اس کے ایک دینار کو سات سو دینار تک بڑھا دیا جاتا ہے روزہ صرف اللہ تبارک وتعالیٰ کے لیے ہوتا ہے روزہ دار کو روزے کا ثواب معلوم نہیں ہوتا اس کا ثواب صرف اللہ تبارک وتعالیٰ ہی جانتا ہے۔ مرواہ : الحکیم ، شعب الایمان للبیہقی عن ابن عمرو (رض)) مصنف علاء الدین متقی (رح) کہتے ہیں : اس بات کی یہ حدیث میں نے صرف زاء کے تحت کتاب الزکواۃ میں بھی ذکر کی ہے تاکہ خرچ کرنے اور صدقہ کرنے کی ترغیب ہوجائے وہاں یہ حدیث 16143 نمبر پر ہے۔