Kanz al-Ummal: Hadith 24307

24307 ۔۔۔ کریب (رح) روایت کرتے ہیں کہ مجھے ام فضل بنت حارث (رض) نے شام میں حضرت معاویہ (رض) کے پاس بھیجا میں نے وہاں جمعہ کی شام رمضان کا چاند دیکھا چنانچہ سب لوگوں نے روزہ رکھا حضرت معاویہ (رض) نے بھی روزہ رکھا پھر میں مہینہ کے آخر میں مدینہ میں آیا حضرت عبداللہ بن عباس (رض) نے مجھ سے پوچھا تم نے چاند کب دیکھا میں نے کہا جمعہ کی شام حضرت ابن عباس (رض) نے فرمایا لیکن ہم نے ہفتہ کی شام دیکھا تھا ہم روزہ میں کمی نہیں کریں گے ہم تو تیس دن پورے کریں گے یا اس سے پہلے چاند دیکھ لیں میں نے کہا : کیا ہمارے لیے حضرت معاویہ (رض) کی روایت کے مطابق روزے رکھنا کافی نہیں ہوگا ؟ ابن عباس (رض) نے جواب دیا : نہیں چونکہ رسول کریم (صلی اللہ علیہ وآلہ وسلم) نے ہمیں یہ حکم دیا ہے۔ (رواہ ابن عساکر)