Kanz al-Ummal: Hadith 24613

24613 ۔۔۔ ابن حوتی کہ سیدنا حضرت عمر ابن خطاب (رض) سے روایت نقل کرتے ہیں کہ ایک مرتبہ حضور اکرم (صلی اللہ علیہ وآلہ وسلم) کے پاس ایک اعرابی آیا اور آپ کو بطور ہدیہ خرگوش پیش کیا آپ (صلی اللہ علیہ وآلہ وسلم) نے فرمایا : یہ کیا ہے اس نے جواب دیا : یہ ھدیہ ہے چنانچہ حضور اکرم (صلی اللہ علیہ وآلہ وسلم) اس وقت تک ہدیہ کی چیز تناول نہیں فرماتے تھے جب تک کہ آپ صاحب ہدیہ کو خودکھانے کا حکم نہ دے دیتے اور وہ کھا نہ لیتا چونکہ ایک مرتبہ خیبر میں آپ کو زہر آلود بکری ہدیہ میں پیش کی گئی تھی آپ (صلی اللہ علیہ وآلہ وسلم) نے فرمایا : تم بھی کھاؤ اس نے جواب دیا : مجھے روزہ ہے فرمایا : کیسا روزہ ہے ؟ جواب دیا : میں ہر مہینہ میں تین دن روزے رکھتا ہوں آپ (صلی اللہ علیہ وآلہ وسلم) نے فرمایا : شاباش ان روزوں کو ایام بیض یعنی 13، 14، 15، تاریخوں میں رکھا کرو ۔ مرواہ ابن ابی الدنیا وابن جریر وصحح و شعب الایمان للبیہقی)