Kanz al-Ummal: Hadith 25683

25683 ۔۔۔ سلیمان بن عطاء جزری مسلمہ بن عبدللہ جہنی اپنے چچا ابو مشجعہ سے روایت نقل کرتے ہیں ک ہم حضرت عثمان بن عفان (رض) کے ساتھ ایک مریض کی عیادت کے لیے گئے عثمان (رض) نے مریض سے کہا :” لا الہ الا اللہ “ کہو ۔ مریض نے کلمہ طیبہ پڑھا عثمان (رض) نے فرمایا : قسم ہے اس ذات کی جس کے قبضہ قدرت میں میری جان ہے اس کلمہ کی وجہ سے اس کی خطائیں بالکل ختم ہوچکی ہیں۔ میں نے عثمان (رض) سے عرض کیا : آپ نے یہ بات اپنی طرف سے کردی ہے یا اس کے متعلق نبی کریم (صلی اللہ علیہ وآلہ وسلم) سے کچھ سن رکھا ہے ؟ عثمان (رض) نے فرمایا : بلکہ میں نے نبی کریم (صلی اللہ علیہ وآلہ وسلم) سے سن رکھا ہے۔ ہم نے عرض کیا : نبی کریم (صلی اللہ علیہ وآلہ وسلم) یہ انعام تو مریضوں کے لیے ہے تندرست کے لیے کیا انعام ہے ؟ فامایا کہ تندرست کے لیے بہت عظیم اجر وثواب ہے۔ (رواہ ابن ابی الدنیا فی ذکر الموت وابو نعیم فی الحلیۃ سلیمان بن عطاء الجزاری قال فی المغنی متھم بالوضع واہ )