Kanz al-Ummal: Hadith 26064

26064 ۔۔۔ میری امت کا کوئی فرد ایسا نہیں ہوگا جسے میں قیامت کے دن پہچان نہ سکوں صحابہ کرام رضوان اللہ تعالیٰ عنہم اجمعین نے عرض کیا : کثرت مخلوق میں آپ انھیں کیسے پہچانیں گے ؟ فرمایا : مجھے خبردو اگر تم ایسے اصطبل میں داخل ہوجاؤ جس میں سیاہ رنگ کے گھوڑے ہوں اور ان میں سفید پیشانیوں والے گھوڑے بھی ہوں کیا تم سفید پیشانیوں والے گھوڑے نہیں پہچان سکو گے ؟ عرض کیا : جی ہاں ، فرمایا : اس دن میری امت کی پیشانیاں سجدہ کی وجہ سے سفید (چمکدار) ہوں گی اور وضو کی وجہ سے ان کے ہاتھ پاؤں سفید ہوں گے ۔ (رواہ احمد بن حنبل والطبرانی والبیہقی فی شعب الایمان، سعید بن المنصور عن عبداللہ بن بسر)