Kanz al-Ummal: Hadith 26797

26797 ۔۔۔ حمران مولائے عثمان کی روایت ہے کہ میں سیدنا حضرت عثمان ذوالنورین (رض) کے پاس وضو کا لایا آپ (رض) نے وضو کیا اور پھر فرمایا : بہت سارے لوگ نبی کریم (صلی اللہ علیہ وآلہ وسلم) سے مروی احادیث سناتے ہیں میں نہیں جانتا وہ کیا ہے البتہ میں نے رسول اللہ (صلی اللہ علیہ وآلہ وسلم) کو اس طرح وضو کرتے دیکھا ہے جس طرح میں نے وضو کیا ہے پھر فرمایا : جس شخص نے اسی طرح وضو کیا اس کے پہلے گناہ بخش دیئے جائیں گے ، اس کی نماز اور اس کا مسجد کی طرف چلنا اس کے عمل میں زیادتی کا باعث ہوگا ۔ (رواہ مسلم)