Kanz al-Ummal: Hadith 26837

26837 ۔۔۔ ” ایضا “ عبداللہ بن محمد بن عقیل بن ابی طالب کہتے ہیں ربیع بنت معوذ بن عفراء کے پاس گیا میں نے کہا : میں اس لیے آیا ہوں تاکہ تم سے رسول اللہ (صلی اللہ علیہ وآلہ وسلم) کے وضو کے متعلق دریافت کروں ربیع بولی : نبی کریم (صلی اللہ علیہ وآلہ وسلم) ہمارے ساتھ ملاقات کرنے ہمارے ہاں تشریف لاتے تھے اور اس برتن میں وضو کرتے تھے وہ برتن مد کے لگ بھگ تھا ایک روایت میں ہے کہ وہ برتن مد یا سوا مد کے برابر تھا آپ (صلی اللہ علیہ وآلہ وسلم) نے برتن میں ہاتھ داخل کرنے سے پہلے ہاتھوں کو دھوتے تھے تین بار کلی کرتے ، تین بار ناک میں پانی ڈالتے پھر تین بار چہرہ دھوتے تین تین بار ہاتھ دھوتے پھر دو مرتبہ یعنی آگے سے پیچھے اور پیچھے سے آگے سر کا مسح کرتے ، ظاہر و باطن سے کانوں کا مسح کرتے پاؤں کو تین تین بار دھوتے پھر ربیع بولی : ایک مرتبہ ابن عباس (رض) ہمارے ہاں تشریف لائے اور اس حدیث کے متعلق پوچھا میں نے انھیں یہ حدیث بتائی تھی ابن عباس (رض) بولے : لوگ پاؤں کو دھونے کے سوا کسی چیز کا نام نہیں لیتے جبکہ ہم کتاب اللہ میں پاؤں پر مسح کرنے کا حکم پاتے ہیں۔ (رواہ عبدالرزاق و سعید بن المنصور وابن ابی شیبۃ وابو داؤد والترمذی والنسائی وابن ماجہ)