Kanz al-Ummal: Hadith 26838

26838 ۔۔۔ ” ایضا “ عبداللہ بن محمد عقیل کہتے ہیں : میں ایک جماعت کے ساتھ ربیع بنت معوذ بن عفراء کے پاس گیا ، ہم نے ان سے رسول اللہ (صلی اللہ علیہ وآلہ وسلم) کے وضو کے متعلق سوال کیا : وہ بولیں : جی ہاں : میں نے ہی رسول اللہ (صلی اللہ علیہ وآلہ وسلم) کو وضو کرایا تھا اور وضو کے لیے پانی اس برتن جیسے ایک برتن میں رکھا تھا ربیع نے چمڑے کے ایک برتن کی طرف اشارہ کیا جو ایک مد کے لگ بھگ تھا ، ربیع کہتی ہیں کہ آپ (صلی اللہ علیہ وآلہ وسلم) نے کلی کی ، ناک میں پانی ڈالا پھر چہرہ اور ہاتھ تین تین بار دھوئے ، پھر سر کا آگے اور پیچھے سے مسح کیا اور سر کے پیچھے حصہ کے ساتھ کانوں کا بھی مسح کیا اور پھر تین بار پاؤں دھوئے ۔ (رواہ سعید بن المنصور)