Kanz al-Ummal: Hadith 2900

2900: اے ابی جب میں نے تم کو پکارا تو کس چیز نے تمہیں مجھے جواب دینے روکا اللہ تعالیٰ نے جو مجھ پر وحی فرمائی ہے، کیا اس میں یہ حکم نہیں پاتے۔
استجیبوا للہ وللرسول اذا دعاکم لما یحییکم۔ الانفال : 24 ۔ اللہ اور رسول کی پکار کا جواب دو جب وہ تمہیں پکاریں اس کام کے لیے جس میں تمہاری زندگی ہے۔ (مسند احمد، ترمذی، مستدرک الحاکم بروایت ابوہریرہ (رض) ۔
تشریح : حضرت ابی (رض) نماز پڑھ رہے تھے کہ آپ (صلی اللہ علیہ وآلہ وسلم) نے ان کو آواز دی وہ نماز کی وجہ سے جواب نہ دے پائے تو بعد میں آپ (صلی اللہ علیہ وآلہ وسلم) نے ان کو یہ ارشاد فرمایا۔