Kanz al-Ummal: Hadith 2929

2929: سورة طور۔ فجر کی نماز سے پہلے دو رعکت (سنتیں) ادبار النجوم (ستاروں کا پیٹھ دے کر چلے جانا) ہے اور مغرب کے بعد دو رکعت (سنتیں) ادبار السجود (سجدہ کے بعد والی) ہیں۔ مستدرک الحاکم بروایت ابن عباس (رض)۔
تشریح : فرمان الہی ہے : وسبح بحمد ربک حین تقوم۔ ومن اللیل فسبحہ وادبار النجوم۔ (الطور : 48 ۔ 49 ۔
اور پاکی بیان کر اپنے رب کی خوبیاں جس وقت تو اٹھتا ہے۔ اور کچھ رات میں لوگ اس کی پاکی اور پیٹھ پھیرتے وقت تاروں کے۔
دوسری جگہ فرمان باری ہے :
ومن اللیل فسبحہ وادبار السجود۔ ق : 40
اور کچھ رات میں بول اس کی پاکی۔ اور پیچھے سجدہ کے۔
مذکورہ فرمان نبوی (صلی اللہ علیہ وآلہ وسلم) ان دو فرمودات الہیہ کی تفسیر ہے۔ یعنی ستاروں کے جانے (ادبار النجوم) کے بعد پاکی بیان کر یعنی صبح کی دو سنتیں ادا کر۔ اور (ادبار السجود) سجدہ کے بعد یعنی مغرب کی نماز ادا کرنے کے بعد پاکی بیان کر یعنی دو سنتیں ادا کر۔ (مستدرک الحاکم بروایت ابن عباس (رض))
کلام : ضعیف الجامع 3165 ۔