Kanz al-Ummal: Hadith 29418

29418 ۔۔۔ ” ایضا “ ابان روایت کی ہے کہ نبی کریم (صلی اللہ علیہ وآلہ وسلم) نے فرمایا : قیامت کے دن میری امت کے قراء کی ایک جماعت لائی جائے گی اور ان سے کہا جائے گا : تم کس کی عبادت کرتے تھے ؟ جواب دیں گے : اپنے رب تعالیٰ کی ، سوال ہوگا تم سوال کس سے کرتے تھے ؟ جواب دیں گے : اے ہمارے رب تجھ سے ہم سوال کرتے تھے حکم ہوگا : تم کسی کی مغفرت چاہتے تھے ؟ کہیں : اے ہمارے رب تجھی سے مغفرت طلب کرتے تھے ، حکم ہوگا : تم جھوٹ بولتے ہو تم نے باتوں باتوں میں میری عبادت کی صرف زبانی کلامی میری بخشش طلب کی اور دلوں کے اعتبار سے مجھ سے بھاگے رہے ان لوگوں کی زنجیر بنائی جائے گی اور پھر تمام مخلوقات کے سامنے انھیں گمایا جائے گا اور کہا جائے گا : یہ لوگ امت محمد (صلی اللہ علیہ وآلہ وسلم) کے کذاب ہیں۔ (رواہ ابو الشیخ فی الثواب) ۔ کلام : ۔۔۔ حدیث ضعیف ہے دیکھئے ذیل اللآلی ۔ 194 ۔