Kanz al-Ummal: Hadith 2989

2989: جب اللہ تعالیٰ نے مخلوق کو پیدا فرمایا اور ان کا فیصلہ کردیا (کہ کون جنت یا جہنم میں جائے گا تو) پھر اہل یمین (جنت والوں) کو اپنے دائیں ہاتھ میں لیا اور اہل شمال (جہنم والوں) کو بائیں ہاتھ میں لیا پھر فرمایا : اے اصحاب الیمین۔ اصحاب الیمین نے جواب دیا لبیک وسعدیک۔ فرمایا کیا میں تمہارا رب نہیں ہوں۔ بولے : بیشک آپ ہمارے رب ہیں۔ پھر فرمایا : اے اصحاب الشمال : اصحاب الشمال بولے : لبیک وسعدیک۔ فرمایا : کیا میں تمہارا رب نہیں ہوں ؟ عرض کیا بیشک آپ ہمارے رب ہیں۔ پھر اللہ تعالیٰ نے ان کو بہم خلط ملط کردیا۔ ایک نے سوال کیا : یا رب ! ان کو آپس میں ملا جلا کیوں دیا۔ فرمایا : ہر ایک کے اپنے اپنے اعمال ہیں (جن سے وہ ممتاز ہوجائیں گے) اب تم یہ نہ کہہ سکوگے قیامت کے دن کہ ہم تو اس سے لا علم تھے۔ پھر اللہ تعالیٰ نے سب کو آدم کی پشت میں واپس کردیا۔ (الطبرانی فی الکبیر بروایت ابی امامہ (رض) )
کلام : دیکھئے 2789 ذخیرۃ الحفاظ۔