Kanz al-Ummal: Hadith 29963

29963 ۔۔۔ حضرت حذیفہ بن الیمان (رض) روایت کی ہے کہ کہ مجھے بدر میں شریک ہونے سے صرف اس بات نے روکا کہ میں اور ابو حسل گھر سے نکلے ہمیں کفار قریش نے پکڑ لیا اور کہنے لگے : تم محمد (صلی اللہ علیہ وآلہ وسلم) سے ملنا چاہتے ہو ہم نے بہانہ کیا کہ ہم مدینہ جانا چاہتے ہیں کفار نے ہم سے پختہ عہد لیا کہ ہم مدینہ واپس لوٹ جائیں اور نبی کریم (صلی اللہ علیہ وآلہ وسلم) کے ساتھ مل کر جنگ نہ لڑیں چنانچہ ہم نبی کریم (صلی اللہ علیہ وآلہ وسلم) کی خدمت میں حاضر ہوئے اور آپ کو ماجرا سنایا آپ نے فرمایا : تم واپس لوٹ جاؤ اور قریش کا وعدہ پورا کرو ہم واپس لوٹ گئے اور کفار کے خلاف اللہ تعالیٰ سے مدد مانگتے رہے ۔ (رواہ ابن ابی شیبۃ ، والحسن بن سفیان وابو نعیم)