Kanz al-Ummal: Hadith 29974

29974 ۔۔۔ ابو الیسر کی روایت ہے کہ میں نے بدر کے دن عباس بن عبدالمطلب کو دیکھا وہ کھڑے رو رہے تھے میں نے کہا : اللہ تعالیٰ آپ کو برا رشتہ دار ہونے کا بدلہ دے کیا آپ اپنے بھیجتے کو اس کے دشمن کے ساتھ مل کر قتل کرنا چاہتے ہیں ؟ عباس نے کہا : کیا میرا بھتیجا قتل ہوگیا میں نے کہا اللہ تعالیٰ ان کی حفاظت کرنے والا ہے اور ان کا مدد گار ہے پھر کہا : تم کیا چاہتے ہو میں نے کہا : میں آپ کو قید کرنا چاہتا ہو چونکہ رسول کریم (صلی اللہ علیہ وآلہ وسلم) نے آپ کو قتل کرنے سے منع کیا ہے کہا : یہ اس کی کوئی پہلی صلہ رحمی نہیں ہے (بلکہ قبل ازیں بارہا صلہ رحمی کرچکا ہے) چنانچہ میں عباس (رض) کو گرفتار کر کے رسول اللہ (صلی اللہ علیہ وآلہ وسلم) کے پاس لے آیا ۔ (رواہ ابن عساکر)