Kanz al-Ummal: Hadith 30158

30158 ۔۔۔ زہری سیدنا حضرت عمر بن خطاب (رض) کی روایت نقل کرتے ہیں کہ سیدنا حضرت عمر بن خطاب (رض) نے فرمایا : فتح مکہ کے موقع پر نبی کریم (صلی اللہ علیہ وآلہ وسلم) مکہ میں تھے آپ نے صفوان بن امیہ ، ابو سفیان بن حرب اور حارث بن ہشام کو پیغام بھیجا میں نے کہا : اللہ تعالیٰ نے غلبہ عطا کیا ہے اور میں انھیں جانتا ہوں کہ وہ کیا کرتے رہے ہیں حتی کہ رسول کریم (صلی اللہ علیہ وآلہ وسلم) نے فرمایا : میری اور تمہاری مثال ایسی ہے جیسا کہ حضرت یوسف (علیہ السلام) نے اپنے بھائیوں سے فرمایا تھا ” لا تثریب علیکم الیوم یغفر اللہ لکم وھو ارحم الراحمین “۔ آج تمہارے اوپر کوئی باز پرس نہیں اللہ تعالیٰ تمہاری مغفرت کرے اور وہ رحمت کرنے والا ہے سیدنا حضرت عمر بن خطاب (رض) نے فرمایا اس پر مجھے رسول اللہ (صلی اللہ علیہ وآلہ وسلم) سے حیاء آنے لگی کہ میں نے کیا بات کہہ دی ۔ (رواہ ابن عساکر)