Kanz al-Ummal: Hadith 30201

30201 ۔۔۔ یعقوب بن زید بن طلحہ تیمی اور محمد بن منکدر کی روایت ہے کہ مکہ میں فتح کے موقع پر صفا پر تین سو ساٹھ بت تھے مروہ پر ایک بت تھا جبکہ ان کے درمیان کا علاقہ بتوں سے اٹا پڑا تھا اور کعبہ بھی بتوں سے بھرا ہوا تھا محمد بن منکدر کہتے ہیں : رسول اللہ (صلی اللہ علیہ وآلہ وسلم) کے پاس ایک چھڑی تھی آپ بتوں کی طرف چھڑی سے اشارہ کرتے اور بت گرجاتے حتی کہ آپ اساف اور نائلہ کے پاس آگئے یہ دونوں بت کعبہ کے دروازے کے بالمقابل نصب تھے آپ نے صحابہ کرام رضوان اللہ تعالیٰ عنہم اجمعین کو حکم دیا کہ انھیں توڑ ڈالو اور کہو صحابہ کرام رضوان اللہ تعالیٰ عنہم اجمعین نے عرض کی کیا کہیں ؟ فرمایا : کہو اللہ تعالیٰ نے وعدہ سچ کر دکھایا ۔ اپنے بندے کی مدد کی اور اس نے اکیلے ہی نے لشکروں کو ہزیمت دی ۔ (رواہ ابن ابی شیبۃ)