Kanz al-Ummal: Hadith 30284

30284 ۔۔۔ حضرت جریر (رض) کی روایت ہے کہ سیدنا حضرت علی المرتضی (رض) نے حضرت عبداللہ بن عباس (رض) اور اشعث بن قیس کو میرے پاس بھیجا میرا قیام مقام قرقیساء میں تھا ان دونوں نے کہا : امیر المؤمنین آپ کو سلام کہتے ہیں اور انھوں نے فرمایا ہے کہ اللہ تعالیٰ نے اچھا کیا ہے جو تمہیں معاویہ سے جدا کردیا میں تمہیں وہی مقام دوں گا جو رسول اللہ (صلی اللہ علیہ وآلہ وسلم) تمہیں دیتے تھے میں نے جواب میں کہا : مجھے رسول اللہ (صلی اللہ علیہ وآلہ وسلم) نے یمن بھیجا تھا تاکہ اہل یمن سے جہاد کروں اور انھیں اسلام کی دعوت دوں یہاں تک کہ وہ لا الہ الا اللہ کا اقرار کرلیں جب وہ اس کا اقرار کرلیں تو انھوں نے اپنے اموال اور جانیں محفوظ جکر لیں میں ایسے شخص سے جنگ نہیں کروں گا جو ” لا الہ الا اللہ “ کا اقرار کرتا ہو۔ چنانچہ حضرات واپس لوٹ گئے ۔ (رواہ الطبرانی)