Kanz al-Ummal: Hadith 30293

30293 ۔۔۔ حضرت عمرو بن مرہ (رض) کی روایت ہے کہ نبی کریم (صلی اللہ علیہ وآلہ وسلم) نے جہینہ اور مزینہ کو ابوسفیان بن حارث بن عبدالمطلب ھاشمی کی سرکوبی کے لیے بھیجا ابو سفیان نے نبی کریم (صلی اللہ علیہ وآلہ وسلم) کے خلاف اعلان جنگ کر رکھا تھا جب یہ دستہ تھوڑا آگے گیا سیدنا حضرت ابوبکر صدیق (رض) نے کہا : یا رسول اللہ (صلی اللہ علیہ وآلہ وسلم) میرے ماں باپ آپ پر فدا ہوں آپ نے کونسی مہم سر کرنے کے لیے دو مینڈھوں کو بھیجا ہے جو جاہلیت میں تیار ہوتے رہے اور پھر اسلام نے انھیں پالیا حالانکہ ان کا بقیہ جاہلیت پر ہے نبی کریم (صلی اللہ علیہ وآلہ وسلم) نے دستے کو واپس بلانے کا حکم دیا حتی کہ دستہ واپس لوٹ کر آپ کے سامنے کھڑا ہوگیا اور آپ نے فرمایا : اے مزینہ جہینہ (جو ابھی مسلمان نہیں ہوئے تھے) کی خبر لو اے جہینہ مزینہ (جو ابھی مسلمان نہیں ہوئے) کی خبر لو ، عمرو بن عمر (رض) کو جہنیہ اور مزینہ دونوں پر امیر مقرر کیا پھر فرمایا : اللہ تعالیٰ کا نام لے کر چل پڑو چنانچہ لشکر ابو سفیان بن حارث کی طرف چل پڑا اللہ تعالیٰ نے ابوسفیان حارث کو شکست سے دو چار کیا اور اس کے بہت سارے ساتھ مقتول ہوئے ۔ (رواہ ابن عساکر)