Kanz al-Ummal: Hadith 3042

3042: سورة الاحقاف۔ قوم عاد جس ہوا سے ہلاک ہوئے وہ ہوا اللہ تعالیٰ نے ان پر صرف انگوٹھی کے بقدر چھوڑی تھی۔ اس ہوا نے قوم عاد کے اہل دیہات اور ان کے مویشیوں کو اٹھایا اور زمین و آسمان کے درمیان لے گئی۔ پس جب قوم عاد کے شہر والوں نے اپنے اوپر بھرا ہوا بادل دیکھا تو کہنے لگے یہ بادل ہم پر پانی برسائے گا لیکن ہوا نے ان پر دیہات والوں کو اور ان کے مویشیوں کو اٹھا کر پھینکا (اور اہل دیہات اور اہل شہر سب کو نیست و نابود کردیا) ۔ (مسند ابی یعلی، الکبیر للطبرانی بروایت ابن عمر (رض)) ۔
نوٹ : سورة الاحقاف 21 تا 26 ایک پورا رکوع اس واقعہ کی تفصیل بیان کرتا ہے۔ تفاسیر میں رجوع فرمائیں۔