Kanz al-Ummal: Hadith 30476

30465 ۔۔۔ مسندالصدیق میں حضرت قتادہ (رض) سے منقول ہے کہ ہمارے سامنے ذکر کیا کہ صدیق اکبر (رض) نے خطبہ میں ارشاد فرمایا کہ سورة النساء کی شروع میں میراث کی جو آیات ہیں ان میں سے پہلی آیت تو باپ بیٹے کے حق میں نازل ہوئی ہے دوسری آیت شوہر بیوی ماں شریک بھائی کے متعلق ہے اور سورة نساء کی آخری آیت ” آیت کلالہ “ یہ حقیقی بہن بھائیوں کی میراث سے متعلق ہے اور سورة الانفال کی جو آخری آیت ہے ” اولی الاحام بعضھم اولی بعض فی کتاب اللہ “ اس میں ان ورثہ کا ذکر ہے جو میراث کی اصطلاح میں عصبہ کہلاتے ہیں۔ (عبدبن حمید وابن جریر فی التفسیر بیہقی سنن کبری)