Kanz al-Ummal: Hadith 3075

3075: میرے پاس جبرائیل (پیغامبر وحی) اور میکائیل (کائنات کا نظام سنبھالنے والے دونوں فرشتے) حاضر ہوئے۔ جبرائیل (علیہ السلام) میرے دائیں طرف بیٹھ گئے اور میکائیل (علیہ السلام) بائیں طرف۔ جبرائیل (علیہ السلام) فرمانے لگے۔ اے محمد ! قرآن ایک حرف پر پڑھو۔ میکائیل (علیہ السلام) بولے ! آپ زیادتی طلب کیجیے۔ چنانچہ میں نے کہا : مجھے مزید حروف عطا کریں۔ جبرائیل (علیہ السلام) بولے : دو حرفوں پر پڑھو۔ میکائیل (علیہ السلام) پھر مجھے مخاطب ہوئے : زیادتی طلب کرو۔ میں نے کہا : مزید اضافہ کرو۔ جبرائیل (علیہ السلام) بولے : تین حرفوں پر پڑھو۔ میکائیل (علیہ السلام) بولے : زیادتی طلب کرو۔ میں نے کہا : مزید اضافہ کرو۔ اسی طرح اضافہ ہوتا رہا حتی کہ جبرائیل (علیہ السلام) سات حرفوں پر پہنچ گئے اور فرمایا : سات حرفوں (یعنی سات قراءت ) پر قرآن پڑھو۔ ہر ایک کافی شافی ہے۔ مسند احمد، عبد بن حمید، نسائی، مسلم بروایت ابی بن کعب مسند احمد، المعجم الکبیر بروایت ابی بکرۃ ابن الضریس بروایت عبادۃ (رض) بن الصامت۔