Kanz al-Ummal: Hadith 33661

33647 ۔۔۔ میں نے اس کو یعنی مصعب بن عمیر کو مکہ میں اس کے والدین کے پاس رہتے ہوئے دیکھا جو اس کا خیال رکھتے اور اس کو نازونعم میں پاتے تھے اور قریش کا کوئی نوجوان اس کی طرح کا نہیں تھا پھر وہ اس حالت سے اللہ کی رضاجوئی اور اس کے رسول کی مدد کے لیے نکلا جان لو کہ اس طرح کے حالات تم پر آئیں گے کہ تم پر روم اور فارس کے دروازے کھول دئیے جائیں گے پھر تم میں سے ایک صبح کے وقت ایک جوڑا پہنے گا اور شام کو دوسرا ناشتہ ایک برتن میں کرے گا اور شام کا کھانا دوسرے برتن میں کھائے گا تو صحابہ فرمانے لگے اے اللہ کے رسول ہم آج کے دن بہتر ہیں یا اس دن بہتر ہوں گے ؟ تو آپ (صلی اللہ علیہ وآلہ وسلم) نے جواب دیا بلکہ تمہاری یہ حالت زیادہ بہتر ہے خبردار ! اگر تم دنیا کے بارے میں وہ باتیں جان لیتے جو میں جانتا ہوں تو تم اس سے پناہ مانگتے ۔ (حاکم نے زبیر سے روایت کیا ہے)