Kanz al-Ummal: Hadith 33772

33763 ۔۔۔ رسول اللہ (صلی اللہ علیہ وآلہ وسلم) نے فرمایا : اے انصار کی جماعت ! کیا میں تمہارے پاس نہ آیا کہ تم گمراہ تھے تو اللہ تعالیٰ نے میرے ذریعہ تمہیں ہدایت دی ؟ کیا میں تمہارے پاس نہ آیا کہ تم (آپس میں) الگ الگ تھے تو اللہ تعالیٰ نے میرے ذریعہ تمہیں اکٹھا کیا ؟ کیا میں تمہارے پاس نہ آیا کہ تم (آپس میں) دشمن تھے تو اللہ تعالیٰ نے تمہارے دلوں میں محبت ڈالی ؟ انصار نے عرض کیا : کیوں نہیں یارسول اللہ تو رسول اللہ (صلی اللہ علیہ وآلہ وسلم) نے فرمایا کیا تم یہ نہ کہوگے کہ آپ (صلی اللہ علیہ وآلہ وسلم) ہمارے پاس خوف میں آئے پس ہم نے آپ کوا من دیا اور جلاوطنی کی حالت میں ہم نے آپ کو ٹھکانا دیا اور مغلوب ہو کر آئے ہم نے آپ کی مدد کی انھوں نے عرض کیا :(ایسا نہیں) بلکہ اللہ تعالیٰ اور اس کے رسول (صلی اللہ علیہ وآلہ وسلم) کا ہم پر احسان ہے۔ (احمد بن حنبل بروایت انس)