Kanz al-Ummal: Hadith 34686

34677 ۔۔۔ رسول اللہ (صلی اللہ علیہ وآلہ وسلم) نے فرمایا : اللہ تعالیٰ نے مکہ کو اس دن سے حرام کیا جس دن آسمانوں اور زمین کو پیدا کیا پس یہ اللہ کی حرمت کے ساتھ قیامت کے دن تک حرام ہے مجھ سے پہلے نہ کسی کے لیے حلال ہوا اور نہ میرے بعد کسی کے لیے حلال ہوگا اور میرے لیے کبھی حلال نہیں ہوا مگر زمانہ کا ایک وقت ، اس کے شکار کو نہیں بھگایا جائے گا اور نہ اس کے کانٹے چنے جائیں گے اور نہ اس کی گھاس کو جمع کیا جائے گا اور نہ اس کی گری پری چیز کسی کے لیے حلال ہوگی مگر اعلان کرنے والے کے لیے تو عباس (رض) نے عرض کیا : مگر اذخریا رسول اللہ (صلی اللہ علیہ وآلہ وسلم) کیونکہ بیشک وہ ضروری ہے زینت کے لیے اور گھروں کے لیے ، تو آپ (صلی اللہ علیہ وآلہ وسلم) نے فرمایا : مگر اوخر کیونکہ بیشک وہ حلال ہے۔ (بخاری بروایت ابن عباس یہ حدیث 34652 میں گزر چکی ہے) ۔