Kanz al-Ummal: Hadith 35396

35387 ۔۔۔ حضرت عمروبن العاص (رض) سے روایت ہے فرمایا : مجھے رسول اللہ نے عمان پر والی بناکر بھیجا میں وہاں آیا تو میری طرف ان کے پادری اور راھب لوگ نکلے انھوں نے کہا : آپ کون ہیں ؟ میں عمرو بن العاص بن وائل السہمی قریش کا ایک شخص ہوں انھوں نے کہا اور آپ کو کسی نے بھیجا ہے ؟ میں نے کہا اللہ کے رسول اللہ نے انھوں نے کہا وہ کون ہیں ؟ میں نے کہا محمد بن عبداللہ بن عبدالمطلب ہم میں سے ایک شخص جو کو ہم پہچان لیا اور ان کے نسب کو جانالیا، ہمیں اچھے اخلاق کا حکم دیا اور بری عادتوں سے منع کیا اور ہمیں حکم دیا کہ صرف اللہ ہی کی عبادت کریں فرمایا : انھوں نے اپنے میں سے ایک شخص کو اپنا معاملہ حوالہ کردیا اس نے مجھ سے کہا کیا ان میں کوئی نشانی ہے میں کہا جی ہاں ان کے دونوں کندھوں کے درمیان جمع ہواگوشت ہے جسے نبوت کی مہرکہاجاتا ہے ، اس نے کہا کیا وہ صدقہ کھاتے ہیں میں نے کہا نہیں اس نے کہا تو کیا وہ ھدیہ قبول کرتے ہیں میں نے کہا : جی ہاں اور اس پر بدلہ دیتے ہیں اس نے کہا : تو لڑائی ان کے اور ان کی قوم کے درمیان کس طرح ہے ؟ میں نے کہا : ڈول ہے۔ (سجال) کبھی ان کے لیے فائدہ مند کبھی ان کے خلاف فرمایا : تو وہ مسلمان ہوگیا اور وہ لوگ بھی اسلام لے آئے پھر اس نے مجھ سے کہا : اللہ کی قسم اگر آپ نے مجھ سے سچ کہا ہی تو اس رات ان کا وصال ہوچکا ہے میں نے کہا : کیا کہتے ہو ؟ اس نے کہا : اللہ کی قسم اگر آپ نے سچ کہا ہے تو میں نے بھی سچ کہا : فرمایا : تو تھوڑے دن گذرے تو ایک سوار نے اپنا اونٹ بٹھایا پوچھ رہا تھا عمرو بن العاصری اللہ عنہ کے بارے میں تو میں اس کی طرف گھبرائے ہوئے اٹھا اس نے مجھے ایک خط دیا ، جس کا عنوان یہ تھا رسول اللہ کے خلیفہ ابوبکر (رض) کی طرف سے عمرو بن العاص (رض) کی طرف۔ تو میں خط لیا اور گھر میں داخل ہوگیا ، میں نے اس کو کھولاتو اس میں تھا : بسم اللہ الرحمن الرحیم رسول اللہ (صلی اللہ علیہ وآلہ وسلم) کے خلیفہ ابوبکر (رض) کی طرف سے عمر بن العاص (رض) کے نام السلام علیکم امام بعد بیشک اللہ تعالیٰ نے جب چاہا اپنے پیغمبر (صلی اللہ علیہ وآلہ وسلم) کو مبغوث فرمایا اور جب تک جاہا انھیں زندگی عطا فرمائی پھر جب ارادہ فرمایا تو انھیں موت دی اور تحقیق اللہ تعالیٰ اپنی سچی کتاب میں فرماچکا ہے کہ انک میت وانھم میتون اور بیشک مسلمانوں نے میری چاہت اور محبت کے بغیر ہی مجھے اس امت کی ذمہ داری سونپ دی ہے سو اب میں اللہ ہی سے مدد اور توفیق کی درخواست کرتا ہوں تو جب آپ کے پاس میرا خط پہنچ جائے تو جس اسی کو رسول اللہ (صلی اللہ علیہ وآلہ وسلم) نے باندھا ہے اس کو ہرگز نہ کھولنا اور جس رسی کو رسول اللہ (صلی اللہ علیہ وآلہ وسلم) نے کھولا ہے اسے ہرگز نہ باندھنا فقط واسلام۔ سو میں بہت رویا پھر میں لوگوں کے پاس گیا اور ان کو خبردار کیا تو وہ بھی روتے اور مجھے تسلی دی۔ تو میں نے کہا کہ یہی ہے وہ شخص جو رسول اللہ کے بعد ہمارا ولی (سرپرست ) ہے اس کے بارے میں تم اپنی کتاب میں کیا پاتے ہو۔ کہنے لگا یہ بھی اپنے نرم دل دوست کے طریقہ پر عمل کرے گا پھر اسے بھی موت آئے گی میں نے عرض کیا پھر کیا ہوگا ۔ کہنے لگا : پھر لوہے کا پہاڑاتمہارا والی بنے گا تو وہ مشرق اور مغرب کو عدل اور انصاف سے بھر دے گا اللہ کے دین کے بارے میں کسی علامت کرنے والے کی ملامت اس پر اثر انداز نہ ہوگی۔ میں عرض کیا : پھر کیا ہوگا ؟ کہنے لگا پھر قتل کردیا جائے میں نے حیرت سے پوچھا کیا : قتل کردیا جائے گا، کہنے لگاجی ہاں اللہ کی قسم قتل کیا جائے گا۔ میں نے عرض کیا روبروقتل کیا جائے گا یا کہ دھوکا سے کہنے لگا کہ نہیں بلکہ دھوکا سے تو یہ صورت مجھے ہ کی لگی پھر میں نے عرض کیا کہ کیا ہوگا۔ (اس کے بعد شیخ کی کتاب میں عبارت منقطع ہے) ابن عساکر